mn GB
Mobile menu

ЧАДАВХИЙГ БЭХЖҮҮЛЭХ: ГАДААД УУЛЗАЛТ, СУРГАЛТЫН ҮЙЛ АЖИЛЛАГАА

Монголын гаалийн байгууллагын 2 498 орчим ажилтнууд 1990-2017 оны хооронд давхардсан тоогоор НҮБ, түүний төрөлжсөн байгууллагууд, ДГБ, ДХБ, ТАСИС (Еврогааль), JICA, KOICA, KTNET, AusAID, USAID, Дэлхийн банк, Азийн хөгжлийн банк, Олон улсын валютын сан зэрэг байгууллагын зардлаар, мөн өөрийн болон Япон, БНСУ, БНХАУ, АНУ-ын гаалийн байгууллагын санхүүжилтээр, гаалийн хэргийн төрөл бүрийн чиглэлээр гадаад сургалт, семинар, хурал, зөвлөгөөнд хамрагдсан байна. 

Сүүлийн 5 жилд буюу 2013-2017 онд нийт 300 гаруй удаагийн уулзалт, сургалтад 586 гаалийн ажилтанг хамруулсан нь 1990 оноос хойш гадаад томилолтод хамрагдсан ажилтнуудын 23.46 хувийг эзэлж байгаа нь Монголын гаалийн гадаад хамтын ажиллагааны хөгжлийг илтгэж байна.

Дэлгэрэнгүй: ЧАДАВХИЙГ БЭХЖҮҮЛЭХ: ГАДААД УУЛЗАЛТ, СУРГАЛТЫН ҮЙЛ АЖИЛЛАГАА

МОНГОЛ УЛС, ОХУ, БНХАУ-ЫН ГААЛИЙН БАЙГУУЛЛАГЫН ГУРВАН ТАЛТ ХАМТЫН АЖИЛЛАГААГ ЭРЧИМЖҮҮЛЭХ,“МОНГОЛ-ОРОС-ХЯТАДЫН ЭДИЙН ЗАСГИЙН КОРИДОР” БАЙГУУЛАХ АЖЛЫГ ДЭМЖИХ НЬ СЭДЭВТ ЗӨВЛӨГӨӨНД ГЕГ-ЫН ДЭД ДАРГА Ё.БАТ-ЭРДЭНЭ ТЭРГҮҮТЭЙ ТӨЛӨӨЛӨГЧИД ОРОЛЦЛОО

1T7B6658

Зөвлөгөөнд Монгол Улс, БНХАУ, ОХУ-ын гаалийн байгууллагын төлөөлөл, БНХАУ-ын шуудан, төмөр замын байгууллагууд болон бизнес эрхлэгчдид оролцсон. Зөвлөгөөнийг нээж гурван улсын гаалийн байгууллагын удирдлагууд болон Heilongjiang аймгийн захиргааны удирдлага үг хэлсэн бөгөөд МУ-ын ГЕГ-ын дэд дарга Ё.Бат-эрдэнэ хэлсэн үгэндээ “Зарим нэр төрлийн бараанд хийсэн гаалийн хяналтын үр дүнг харилцан хүлээн зөвшөөрөх тухай Монгол Улсын Гааль, татварын ерөнхий газар, Оросын Холбооны Улсын Холбооны гаалийн алба болон Бүгд Найрамдах Хятад Ард Улсын Гаалийн ерөнхий газар хоорондын Хэлэлцээр” нь гурван улсын худалдааны эргэлтийг нэмэгдүүлэх, бараа бүтээгдэхүүнийг өрсөлдөх чадвараар хангах, хил дамнасан бараа, тээврийн хөдөлгөөнийг хөнгөвчлөх замаар эдийн засгийн хамтын ажиллагааг өргөжүүлэхэд болон Эдийн засгийн коридор байгуулах хөтөлбөрийг дэмжиж ажиллахад ихээхэн түлхэц үзүүлнэ гэдэгт итгэл дүүрэн байгаагаа илэрхийлсэн.

Дэлгэрэнгүй: МОНГОЛ УЛС, ОХУ, БНХАУ-ЫН ГААЛИЙН БАЙГУУЛЛАГЫН ГУРВАН ТАЛТ ХАМТЫН АЖИЛЛАГААГ...

ОХУ-ЫН СОЧИ ХОТНОО МОНГОЛ УЛСЫН ГААЛИЙН ЕРӨНХИЙ ГАЗРЫН ГААЛИЙН ЗӨРЧИЛТЭЙ ТЭМЦЭХ ГАЗАР, ОХУ-ЫН ХГА-НЫ КОНТРАБАНДТАЙ ТЭМЦЭХ ЕРӨНХИЙ ГАЗРЫН АЖЛЫН ХЭСГИЙН УУЛЗАЛТ БОЛОВ

14042017 2

Гаалийн хууль тогтоомжийн зөрчилтэй тэмцэх асуудлаар 2016-2017 онд Монгол-Оросын гаалийн байгууллагуудын хийсэн ажлын дүнг хэлэлцэж, цаашид энэ чиглэлээр хийх ажлын талаар харилцан санал солилцсон ажлын хэсгийн уулзалт ОХУ-ын Сочи хотноо 2017 оны 04 дүгээр сарын 10-12-ны өдрүүдэд болов. Хоёр талт ажлын хэсгийн уулзалтыг Монгол-Оросын гаалийн байгууллагуудын орлогч дарга нар удирдан явуулсан бөгөөд монголын талаас ГЕГ-ын дэд дарга Ё.Бат-Эрдэнэ тэргүүтэй төлөөлөгчид тус уулзалтад оролцсон. Төлөөлөгчдийн бүрэлдэхүүнд ГЕГ-ын Гаалийн зөрчилтэй тэмцэх газрын дарга Б.Онон, тус газрын ГУАБ Л.Очгэрэл, ГЕГ-ын ГХАХ-ийн ГУБ Ц.Баярмаа нар ажиллав.

Дэлгэрэнгүй: ОХУ-ЫН СОЧИ ХОТНОО МОНГОЛ УЛСЫН ГААЛИЙН ЕРӨНХИЙ ГАЗРЫН ГААЛИЙН ЗӨРЧИЛТЭЙ ТЭМЦЭХ ГАЗАР, ОХУ-ЫН...

МОНГОЛ-ОРОСЫН МЭДЭЭЛЛИЙН ТЕХНОЛОГИЙН МЭРГЭЖИЛТНҮҮДИЙН АЖЛЫН УУЛЗАЛТ БОЛОВ

IMG 1682

Олон улсын авто замын Алтанбулаг-Хиагт боомтод 2017 оны 03 дугаар сарын 29-30-ны өдрүүдэд Монгол-Оросын мэдээллийн технологийн мэргэжилтнүүдийн ажлын хэсгийн уулзалт болов. Уг уулзалтыг Гаалийн ерөнхий газрын Мэдээллийн технологийн төвийн дарга Б.Ганзориг ахалсан ажлын хэсгийн бүрэлдэхүүн Алтанбулаг-Хиагт боомтод ажиллаа.

Монгол талаас ГЕГ-ын Мэдээллийн технологийн төвийн дарга Б.Ганзориг, СэГГ-ын дарга М.Дамдинхорол, СэГГ-ын гаалийн бүрдүүлэлтийн албаны дарга Б.Төмөр-Очир, ГЕГ-ын Гаалийн хяналт, шалгалтын газрын ГУБ Б.Мөнхбаяр,      МТТ-ийн програм хариуцсан ГУБ Д.Өлзийбүрэн, систем хариуцсан ГУБ Б.Баасанжаргал, СэГГ-ын Рентген тоног төхөөрөмж хариуцсан ГУБ М.Саруул, Мэдээллийн технологи хариуцсан ГУБ Д.Энх-Амар, ГЕГ-ын Гадаад хамтын ажиллагааны хэлтсийн мэргэжилтэн С.Анар нар оролцлоо.

Оросын талаас ОХУ-ын ХГА-ны Мэдээллийн техникийн гаалийн төв газрын 24 цагийн техникийн албаны дарга А.И.Сердитов, ОХУ-ын ХГА-ны Мэдээллийн техникийн гаалийн төв газрын 24 цагийн техникийн албаны тэргүүлэх инженер С.В.Баяндин, Сибирийн гаалийн газрын гаалийн дэвшилтэт технологи нэвтрүүлэх тасгийн дарга Г.П.Варфоломеев, Сибирийн гаалийн газрын харилцаа холбоо, тооцоолон бодох систем хангамжийн хэлтсийн дарга Д.А.Решетников, Сибирийн гаалийн газрын буриадын гаалийн байгууллагын даргын үүрэг гүйцэтгэгч                  Н.А. Белова, Сибирийн гаалийн газрын буриадын гаалийн байгууллагын мэдээллийн техникийн албаны дарга Б.Г.Ганжуров, Сибирийн гаалийн газрын буриадын гаалийн байгууллагын рентген тоног төхөөрөмжийн албаны дарга А.С.Протасов нар тус тус оролцлоо.

Дэлгэрэнгүй: МОНГОЛ-ОРОСЫН МЭДЭЭЛЛИЙН ТЕХНОЛОГИЙН МЭРГЭЖИЛТНҮҮДИЙН АЖЛЫН УУЛЗАЛТ БОЛОВ

МОНГОЛ УЛСАД СУУГАА АНУ-ЫН ЭЛЧИН САЙДТАЙ ТАНИЛЦАХ УУЛЗАЛТ ХИЙВ

       USA

Гаалийн ерөнхий газрын дарга Б.Асралт Америкийн нэгдсэн улсаас Монгол Улсад суугаа онц бөгөөд бүрэн эрхт элчин сайд хатагтай Женнифер Зимдал Галтыг 2017 оны 1 дүгээр сарын 24-ний өдөр хүлээн авч хамтран ажиллах чиглэлээр харилцан санал солилцов. Уулзалтад элчин сайдын яамны худалдаа, эдийн засгийн асуудал эрхэлсэн ноён Жон Мак Даниелс, Гаалийн ерөнхий газрын Гаалийн хяналт, шалгалтын газрын дарга Э.Мөнхөө, Хяналт шинжилгээ, үнэлгээ, дотоод аудитын хэлтсийн дарга П.Баттөр, Гадаад хамтын ажиллагааны хэлтсийн дарга Ө.Цолмон, мөн хэлтсийн гаалийн улсын ахлах байцаагч Н.Өнөрцэцэг нар оролцов.

Дэлгэрэнгүй: МОНГОЛ УЛСАД СУУГАА АНУ-ЫН ЭЛЧИН САЙДТАЙ ТАНИЛЦАХ УУЛЗАЛТ ХИЙВ

ХАНХ ДАХЬ ГААЛИЙН ХОРОО БОЛОН БУРИАД-МОНДЫН ГААЛИЙН БАЙГУУЛЛАГЫН УУЛЗАЛТ

5

Тус гаалийн хороо нь Ханх дахь АЗШНБоомт дээр 2016 оны 11 дүгээр сарын 02-нд ОХУ-ын Буриал-Мондын гаалийн байгууллагатай уулзалт хийлээ. Уулзалтанд: ОХУ-ын талаас Буриадын гаалийн дарга В.С.Томин, зөрчил хойшлуулшгүй ажиллагаа хариуцсан орлогч дарга Б.С.Тулесонов, Монды хариуцсан дарга А.В.Чагдуров, Дүн шинжилгээ хариуцсан орлогч дарга Д.М.Шакталаева нар, Монгол талаас Ханх дахь гаалийн хороон дарга Ч. Саранхүү, ГУАБ Л.Ганбат, ГУБ Б. Оюунчимэг, ГУБ Б. Ичинхорлоо нар оролцлоо. Уулзалтаар зөрчлийн мэдээг солилцож, хамтын ажиллагаагаа сайжруулалаа.

Дэлгэрэнгүй: ХАНХ ДАХЬ ГААЛИЙН ХОРОО БОЛОН БУРИАД-МОНДЫН ГААЛИЙН БАЙГУУЛЛАГЫН УУЛЗАЛТ

ХБНГУ-ЫН ХОЛБООНЫ САНГИЙН ЯАМНЫ ТӨЛӨӨЛӨГЧИД МОНГОЛ УЛСЫН ГААЛИЙН ЕРӨНХИЙ ГАЗАРТ АЖИЛЛАВ.

Germany

ХБНГУ-ын Холбооны Сангийн Яамны гаалийн асуудал эрхэлсэн газрын дарга Таня Милденбергер, гадаад хамтын ажиллагааны асуудал эрхэлсэн хэлтсийн дарга Томас Мазетын хамт 2016 оны 11 дүгээр сарын 14-15-ны өдрүүдэд Гаалийн ерөнхий газарт ажлын айлчлал хийв.

Дэлгэрэнгүй: ХБНГУ-ЫН ХОЛБООНЫ САНГИЙН ЯАМНЫ ТӨЛӨӨЛӨГЧИД МОНГОЛ УЛСЫН ГААЛИЙН ЕРӨНХИЙ ГАЗАРТ АЖИЛЛАВ.

ГЕГ-ЫН ДАРГА Б.АСРАЛТ ТЭРГҮҮТЭЙ МОНГОЛЫН ГААЛИЙН ТӨЛӨӨЛӨГЧИД ОХУ-ЫН МОСКВА ХОТОД АЖИЛЛАВ.

1

ОХУ-ын Холбооны гаалийн албаны урилгаар МУ-ын ГЕГ-ын дарга Б.Асралт тэргүүтэй монголын гаалийн төлөөлөгчид “Гаалийн алба-2016” олон улсын XVII үзэсгэлэнгийн үйл ажиллагаатай танилцах, ОХУ-ын  Холбооны гаалийн албаны 25 жилийн ойн арга хэмжээний хүрээнд зохион байгуулсан гаалийн байгууллагын дарга нарын дугуйн ширээний ярилцлагад оролцохоор 2016 оны 10 дугаар сарын 24-26-ны өдрүүдэд Москва хотод ажиллав.

Дэлгэрэнгүй: ГЕГ-ЫН ДАРГА Б.АСРАЛТ ТЭРГҮҮТЭЙ МОНГОЛЫН ГААЛИЙН ТӨЛӨӨЛӨГЧИД ОХУ-ЫН МОСКВА ХОТОД АЖИЛЛАВ.

МОНГОЛ-ОРОС-ХЯТАДЫН ГААЛИЙН БАЙГУУЛЛАГУУДЫН ГУРВАН ТАЛТ АЖЛЫН ХЭСГИЙН ХУРАЛДААН БОЛОВ

3 talt

Тажикистан улсын нийслэл Душанбе хотод 2014 оны 9-р сард Монгол Улс, БНХАУ, ОХУ-ын ерөнхийлөгч нар уулзах үеэр Монгол Улсын Ерөнхийлөгч Ц.Элбэгдорж “Талын зам” санаачлага, ОХУ-ын Ерөнхийлөгч В.В.Путин “Евразийн эдийн засгийн холбоо” байгуулах санал, БНХАУ-ын дарга Си Зинь Пин “Нэг бүс-нэг зам” санаачлага тус тус дэвшүүлж, улмаар гурван улсын хамтын ажиллагааны эх суурийг тавих, цаашид хамтын ажиллагааг түлхүү хөгжүүлэх чиглэлээр харилцан санал солилцсон     юм.

Дэлгэрэнгүй: МОНГОЛ-ОРОС-ХЯТАДЫН ГААЛИЙН БАЙГУУЛЛАГУУДЫН ГУРВАН ТАЛТ АЖЛЫН ХЭСГИЙН ХУРАЛДААН БОЛОВ

БНХАУ-ЫН НИЙГМИЙН АЮУЛААС ХАМГААЛАХ ЯАМНЫ ЗАХИРАЛ ЛИЮ ЮЭЖИН ТЭРГҮҮТЭЙ ТӨЛӨӨЛӨГЧИД ГААЛИЙН ЕРӨНХИЙ ГАЗАРТ ЗОЧЛОВ.

0J8A2294

     БНХАУ-ын Нийгмийн аюулаас хамгаалах яамны захирал Лию Юэжин тэргүүтэй төлөөлөгчдийг 2014 оны 10 дугаар сарын 07-нд Гаалийн ерөнхий газарт хүлээн авч уулзлаа.
Уулзалтад Монголын талаас Гаалийн ерөнхий газрын Хууль сахиулах, худалдааг хөнгөвчлөх газар, Гаалийн зөрчил хөдөлгөөнт хяналтын газрын удирдах албан тушаалтнууд, Цагдаагийн ерөнхий газрын Гэмт хэрэгтэй тэмцэх газар, ЦЕГ-ын Гадаад харилцааны хэлтсийн удирдах албан тушаалтнууд байлцав.

Дэлгэрэнгүй: БНХАУ-ЫН НИЙГМИЙН АЮУЛААС ХАМГААЛАХ ЯАМНЫ ЗАХИРАЛ ЛИЮ ЮЭЖИН ТЭРГҮҮТЭЙ ТӨЛӨӨЛӨГЧИД ГААЛИЙН ЕРӨНХИЙ...